حلوه عنيكى/ شعر (الواد الشقى) الشاعر ايمن اسماعيل/ جمهورية مصر العربية

حلوه عنيكى بجد
والاحلى الصوره المرسومه
جوه عيونى لوشك
لرمشك
لكل تفصيله صغيوره
فى ملامحك حلوه شفايفك
لما بتضحك
يضحك سنك
يرقص قلبى
تتحرك جوايا
أهة عشق
مكتومه
تفضل تصرخ
اتمرجح بينى وبينك
تاخدنى عنيكى
وترجعنى فى ثانيه
احلم
وبين الحلم والتانى
رمشه عينك تفوقنى
وانا اللى غاويت الحلم
تتحرك من تانى
أهة العشق
ماقدرش ادريها
تخرج غصب عنى
و تجرى لحدك تسبقني
وأول ماطيفك يفارقني
ترجعلى
أخدها في صدري
وأنام
احلم بك