تعال سولف / شعر الشاعر وصفي محمد ال صبرات

تعال سولف ترى صوتك يريحني
……واياك تسكت لأن الصمت يذبحني
خلي عيونك بعيني وابعد عيونك
……اخاف من رمشك المجنون يجرحني
يسعد عيونك سوالفها تقل سكر
…….تسكر وابشرب حلاها لو يطوحني
ذبحت جن القصايد في محاجرها
….. لانه على حبها وده يمالحني
ياقمة الذوق والاحساس والرقه
…..ارفق بقلبي ترى الاشواق تلفحني
شبيت جمرة غلاك بمحجر عيوني
……شوفك يبكيني وشوفك يفرحني
اضحك ليا شفتك بعيني نظر عيني
……وبعين قلبي دموع الوجد تفضحني
فديت روحك بروحي يا بعد روحي
…..ما بين قربك وبعدك ﻻ تمرجحني
خذني وحلق وانا باخذك واحلق
…….لحدود نبتون ولا ودي تروحني
وش لي بدرب المجره مع كواكبها
…….وانته حدودك حبيبي ضلعي المحني