آفاق حرة للثقافة صحيفة ثقافية اجتماعية الكترونية
أسقي قلـوب الخلق وأزيدهم فيه
وقلـبي من الأوجاع تنزف شغافه
كني كحـاتم أبذل القلب وأعطيه
وأرسم على قلبي دروب الضيافة
بداخـلي شـئ(ن) بقلـبي مخـبيه
يذوب إحساسـ(ن) وينطق رهافة
فلارضـى قـلبي على الناس يبديه
ولا البوح عندي قـد تعـدى غـلافه
وش فيك ياقلبي وش عاد تخفيه
مـرَّ الزمـن وأسقاك كأس الحسافة
تتذكـــر المــاضي و تريـد تحــييه
وتعــــيش أيامه وتسكــن ضفافـه
لا مـرَّ خط العمـر وش عـاد يحنيه
ويعـيد أيامـه.. ويلــــوي إنتصافـه
الله يعــين قــلبك.. و الله يشــفيه
ترى الوجع بالقلب صعب إنصرافه
