بحلم بك / شعر الشاعر المصري ايمن اسماعيل

الكون ملكك
ومن حقك تطير وتدور
وصحيت من حلمى
بتنطط وبتشاقى
ومتعفرت
شديت من سواد
عنيكى الخيط
ونويت الصوم
لبست الريش
سلمت للريح جناحاتى
وقبلت أكون
فى وسط نسور
وأتحدى وأقع
ينكسر جناحى
ومن تانى أطير

وأرحلك
وأرمى فى فرحتك عمرى
مانا اللى
مهما أطير برجعلك
وأمد شراع الود
يعدينى لشط القلب
مانا نبضك
وإحساسك
وحلم عشقته فى عنيكى
زمان
لما أنكسر باعنى
ولقيتنى بعود
وبإيديكى
بلملم كل أحزانى
وبحلم بك