بغيت نقرأ / شعر السعدية الفاتحي السعدية / المغرب

ياك الملح لي سلفتو
البحر
شرقت شمسو بين اصباعي
وتار
طار موجو وما خلا

و الدمعة لي تزكي العلام
ساحت وما سرجت عقل الدا
والقلب المحموم بين ضلوع الركدة
ما برقت كمرتو ولا طاح شوفو تدلا

ياك نهار كميت الزهر باش ندوخ
تغلفت الدمعة شلال
تشقق حيط بالي وما سرح بالخلا

ياك بغيت نكتب باش نزهر
و طاحت السما
في دواية المعنى وبان ضوي علة

ياك الملح لي سلفتو
البحر
شرقت شمسو بين اصباعي
وتار
طار موجو وما خلا

و الدمعة لي تزكي العلام
ساحت وما سرجت عقل الدا
والقلب المحموم بين ضلوع الركدة
ما برقت كمرتو ولا طاح شوفو تدلا

ياك نهار كميت الزهر باش ندوخ
تغلفت الدمعة شلال
تشقق حيط بالي وما سرح بالخلا

ياك بغيت نكتب باش نزهر
و طاحت السما
في دواية المعنى وبان ضوي علة