آفاق حرة للثقافة صحيفة ثقافية اجتماعية الكترونية
حبينا كلشي
تخاصمنا على كلشي
تحاسبنا على كلشي
لكن ماهدرناش على كلشي
ماهدرناش على الموت من تجي
بمنقارها تخوذ وتمشي
ماهدرناش على موت
من تجي تحوم ف يوم غريب صيفي
تقول انا جيت انا جيت
انا جيت كبر من ضو
كبر مني ومنك
كبر من الحاضرين
كبر من العرس والسفر
وكبر وكبر وكبر
أنا جيت بلا مانسول بلا ما ندق
بلا ما نتسناك تقول لي شكون وعلاش وكيفاش
أنا جيت أنا جيت
فصباح صيفي تحديتك
ولقيتك بيض تلالي
تحديتك وتحديت كلمة قلتيها وكتبتيها
قلتي آجي يالموت
بلا ما نودع حبابي
بلا رمش عيني
بلا ما نكتب بريا لعزيزة
نقوليها فيها أنا أنا أنا ماشي
تحاسبنا على كلشي
حبينا كلشي
تخاصمنا على كلشي
ولكن ماهدرناش على كلشي
ماهدرناش من تموت او نموت
شكون لي يبرد النار للي ف لجوف
ماهدرناش
على للي بقا من لموت كيف يصبر
هو مات قبل ما يموت
مافكرناش حيث كنا غير
ظل ولكن ظل كبر من الشمس
مافكرناش
حيث كما غير نقطة ف واد حامل بيا وبيك وبيهم
مافكرناش حيث طمعنا ف لحياة
وتانسينا لوقت والممات
رشيدة الشانك
مراكش
ا
