آفاق حرة للثقافة صحيفة ثقافية اجتماعية الكترونية
يا بخته اللي محزمه شخص رجال
شامخ مقنف شهم يسوى قبيلة
من أجل دينه ما تزحزح ولا مال
ولا. سلك. درب الحياة الذليلة
ما ينحني راسه ولا يشتكي حال
ولا يخون صحبه ويغدر زميله
على طريق الحق والعز رحّال
صافي من افعال الردى والرذيلة
عند المواقف يسندك قول وافعال
حاز المحاسن والصفات الجميلة
ذيب البوادي والمدن ليث الادغال
كل الجُمل فى وصف ذاته قليلة
هذا الذي مثله على الراس ينشال
ومسكنه وسط العيون الكحيلة
ويا غبنه اللي محزمه شخص بطّال
منحط واطي ما يساوي فسيلة
مهبول هامل موقعه بين الانذال
يرخص غلا ربعه وينكر جميله
ضايع مضيع تنضرب فيه الامثال
قلبه حقود أسود ونفسه عليلة
يكذب على غيره وينصب ويحتال
وان حل بين القوم يلعب بذيله
أمثال هذا الصنف شيله من البال
واسلك دروب العز تلقى بديله
حتى ولو هو أخ او عم او خال
او كان من صلبك ونفس الفصيلة
او كان من نسل النشاما والاقيال
او كان من ربعك فتركه فضيلة
واوصيك لا تظلم ولو كان مثقال
فدعوة المظلوم لدفنك كفيلة
ولا تصدق شخص كاذب ودجال
بين القبايل دوم يشعل فتيله
ذي ما معه شغلة سِوا القيل والقال
ودعمه الباطل ونشر الرذيلة
ولا تثق بالوقت فالوقت ميّال
ساعة يمد حبله وساعة يشيله
والحق با ينصر ولو موعده طال
والظلم مهما طال ربي يزيله
واصبر ولا تغضب وكن واسع البال
فالصبر عند الله اجوره جزيلة
هذه نصايح صغتها باجمل اقوال
واهديتها لاغلا الرجال الأصيلة
ثم الصلاة تغشا محمد مع الآل
ما شنت امزان السحاب الثقيلة
