آفاق حرة للثقافة صحيفة ثقافية اجتماعية الكترونية
أحــزن إذا تحزن وأسلى لو سليت
أحزانك أحزاني .. وأفراحي سلاك
آه .. ياليتك تجـــــــيني .. آه ليت
كنت تعرف إيش يعــني لي غــلاك
من حــروفك بس أقرأ .. لو قريت
ومن عيونك بس وحدي من قراك
منك من نظرة .. انا فيك إبتديت
وكـــل ليـلة أنت فينـي مـــبتداك
كلهـم أســماء ولك وحـدك سميت
ودون خلــق الله.. سميتك مــلاك
من ذكـرت أذكـر .. ومن زلَّا نسيت
بس مـا قلبي بلحظة قد نســــــاك
آه من شـــوفك وما فينـي شفيت
كل أوجـــــاعي شِـفاها من شِـفاك
يا لطـيف الطـبع .. ما مثلك لقيت
ولا عــرف قلبـي سلا إلا لقــــــاك
ما لغــيرك لِنت ولا غيرك هــويت
ولا طعمت العـشق إلا من هــواك
مد حبل الوصل .. أنثر ما حويت
جود بإحساسك لمن قلبه حــواك
حــــولي الأيام تحلــى لـو حَلَيت
حس بي مــرة .. وذوقني حـلاك
لفني إحساس .. أو قل لي فديت
شـل كلــي لك .. انا قلبـي فــداك
