آفاق حرة للثقافة صحيفة ثقافية اجتماعية الكترونية
قد تبين بالمعاينه…
إن في اربع حيطان…..
ملفوفين علي قلب خايف من زمان….
جوه تفاصيل المكان…
ركن فيه كل اللي فات…
حبة صور علي كام شوية زكريات…
صوره لأبويا وقت لما أمانه مات….
وصوره لأخويا
في حضن متحاط بالسكات
صورة أمي وف ايدها مطبوعه حكايات…
صورة لحبيبي قبل مايبقي ماضي وفات…
صورة ليا
وفي ايديا ساعه واقفه
في دنيا ماشيه…
دنيا اصلا مش بتاعتي…..
وفي ايديا التانيه دفتر ….
بالتاريخ سجلت فيه…
كل حلم حلمت بيه…
كل اللي دخلوا في يوم حياتي..
. واللي منهم كنت بهرب….
واللي مروا مرور كرام…
واللي عيشت حياتي ليهم…
وهم اصلا ميسوش…
واللي ماتوا واللي راحو….
كل حاجه بالادله …
ورده حمره …
ساعه ذكري…
او ميعاد فات من سنين…
كل الأدله تقول بأني….
مسجونه علي ذمة حياه…
محضرها مقفول بإسمي….
رغم برائتي من سنين..
