آفاق حرة للثقافة صحيفة ثقافية اجتماعية الكترونية
الياسمين مزين
مﻻمحك وخدوك
طارح الأمل
والفرح في عودك
والشمس ذاد
نوراها بوجودك
ياأجمل ماكنت
بحلم وبتمنى
معقول فيه
كده بقى أستنى
بالدفتر أكتب
دلوقتي وأتملى
مفيش غيرك
يابنت المحلة
خالى الدنيا
بقيت جنه
والسما تبان
وتفتح لسكة
الهنا بيبان
عينيكي وردة
بتداوي الأنين
وشفيفك إعجاز
صعب يتفسر
تخلي الملكوت
بالكون يدبر
رمشك ده أيه
الله أكبر
طب أزاي
أسكت وأصبر
والناس بحسنك
متحيرين
وأنا شوفتك
قتليني الحنين
طفل تائهه
وسط جفوتك
شاف الأمان
ﻻقى الحب
وعاش الغرام
ورفض من
يوم لقياكي
الفطام
ياصورة حية
ياتاج المحيا
نسماتك لحروفي
بدﻻل جاية
كأنك حورية
طالعة من المية
مش عايز حاجة
م الدنيا ديا
توبك الأبيض
كفاية عليا
والقلب راضي
قدامك ينحني
وورد جناينك
صعب ينجيني
والقلب راضي
قدامك ينحيني
