مـدرسة الحياة/ بقلم:محمد الهجري

تـبـقـي الـحــياه مهـما كِبِرنا مــدرَســـَهْ
يابـــخــت من بالـحبّ مـارَسـْهـَا وِقـَاسْ

حـظَّ الـبشـر ماهـوش بِحـَاسَّه سـادِسَـهْ
وارزاقـَهـم ماهـِيـش مـن قـُدرةْ حـواس

كـم مـِن ذَكـي نـِبـْراسْ يــدُّهْ مـــُفـْلِســَهْ
الــجـهـل كـم وطـَّى بـها اسـره وسـاس

كـم من حمار بالـمـال شـابــع رمســسه
الـفـقــر كــم ذل الاســد فــيـهــا وداس

بـعـض الـخُـطَىٰ فـيهـا خَـطـَايَا مـُتعِـسه
وبـعضـها كـم تـسعـدك من غيـرقِــيـَاسْ

والـنـاس فـيـهـا مُـش ســَوَى مُتجانسـه
نادر عـلـيـها الأمْـزِجَه تَـلـقِي الـجـــِنَاسْ

والـنـذل لو بالــبـحــر يــغـسـلْ مـَــلـــبسـَهْ
رجـس النذول بالـعرق ماهـوش باللباس

قـهـري علـى قـلـبي تـِعِـبْ بالـهوجـسـه
ضـاعَ الـبـصـر مـنـه وعــادُه بالـنـَّفــَاس

أعـمى الـقـدَرْ حـسُّـه وشَـلَّ الـبـَسـبـسه
لـمـا شـَبَـكْ عـرقُه مـع عــرق الـنَّـجَــاسْ

مانـاش غـشـِيـم ولا بـلـيـدْ بالنـَّبْـرَســـَه
ونا حـَكِيـم الوقـت أعــرف بالأســَــاسْ

الــجِــيْـد نادر مـن جـواهـر مـــُشـمـِسـَهْ
يـبـقـي ولـوخـَالـط عـروق الـفحم مـَاس

الـقـَبْـيـَلَـهْ سـَاســي وبـيـتـي مُــروِســَهْ
كـِنْـدِي يـمـانـي من عـَرَبْ شـمـَّر أسـاس

مُـش مـثـلهـم مـن حـيـث باتـَه غلـســه
مافـيـش نـقـَايـل شـفـتهـم أبـنـاء نـاسْ

بعـض البـشـر لـومـَسّ ثـوبـك نـجَّـسَهْ
بالـسبَّـعِ طـَهـِّر وَلـْغـَتُـه مـن غيـر بـَاسْ

خـَلّـيـكْ عـلى ثـوبـك حَـذِر أن يـلـمـَسـَه
واتـرك مـسـافـه بـينـكـم دون الـتـَّمَــاس