ياايها الوطن الهلامي /بقلم : الشاعرسيدفاروق

ياايهاالوطن الهلام
اايهاالوجع التمام
إصحا وصحصح للكلام
وإوعاك تنام
رص الوجع جوه القلوب
اضرب هناتحت الحزام
قطع شرايين الولاد
لف البلاد
وإجلدبسوط الموطنه،
والطنطنه كل العباد!
قيد الحرايق ف البيوت
إحرق وبور ف الغيطان
ياايهاالوطن الجبان
إركب حصان اﻷنسنه
ركب ف كعبك كستبان
قول بالضلال
وعلى صوتك بالهبل
لجلن مايحويك المجال
إنسى إحتمالات الرجوع
اصل الرجوع لايحتمل
نفقر نجوع إوعاك تبالى
بضعفنا
إفرق وشق ف صفنا
ياايهاالوطن العبيط
عافروهابر ف الخلايق
عيش حويط
اقلينا زى القرنبيط
خلى القلوب تدبل تشيط
قص الشريط
للإفتتاح
والإنشكاح
الحق راح
لو حد شافوا يعرفوا
إن الحقيقة نهار براح
لابد تشرق شمسها
مهما الغيوم كترت وزادت ف المدى
يا أيها الوطن الردى
يا أيها الوطن الهلاك
إنت هناك ف عقلهم
مرسوم كدا
حبة تراب ملهاش لزوم
إزأر وزوم قوم يا اسد
قطع همومك وإنتعش
وإبدأطريقك من جديد