أول سنة/ شعر الشاعرة المصرية جهاد نوار (جاردي أنا)

جوة الكتاب أول سنة

سطرين عتاب و 2 هنا

كتب القلم فصول غرام

أسامينا فيه متمعشقة

باب الغرام مفتوح يا روحى

عنوانه همس و وشوشة

أصله وداد ممدود و روحى

هايمة فى حبك و معششة

و الشوق حلاه و سطوره

ما فيهاش ……. دغششة

نبض القلوب ما يوم يتوب

بدقة …….. رقة متشوقة

حلو الكلام … بينا حرام

الغش فيه …. و البربشة

أما الملام ….. آخر كلام

بمدادنا ….. حذفينه هنا

و يا السهاد …و ليل بعاد

و رجعنا …أحلى فرفشة

 

جاردى