آفاق حرة للثقافة صحيفة ثقافية اجتماعية الكترونية
ان كنت فاكره
انى ولى
فاستغفرى
ولى زمان الاوليا
وقلبى عمره
ماكان خلى
وان طيفى زارك
فى المنام
قومى ارجمى
شيطان ولابس توب ولى
انا مش ملاك
وبعترف
بتبنى ليه
ليا ف مقام
وتنامى لجل ان
اجيلك فى المنام
فوقى بقا
انا قلبى عاشق للخلا
سارح فى كل الامكنه
لا له مقام
ولا عنده نجمه ف السما
وان كنت لسه مسلمه
مستسلمه
لشيطان
فارض على عنيكى
غيام
ما قدرش يوم انا اخدعك
فوقى بقى
يلا اهربى
انا بحرى
ملوش قرار
ولا حد منه
ف يوم نجى
