آفاق حرة للثقافة صحيفة ثقافية اجتماعية الكترونية
حبيت ردّ الزَمـن لَـ وَرا
وإنسى بيناتنا يلِّـي جَـرى
مَحفور حُبنا عا حفافي الطّريق
وعـا جِـذع سنديانـة مختيَرَه
لـو من هالعُمر بعـد باقي
ويمكن شي مرّة هيك تشتاقي
إسمعيني ما إنمَحِتْ أشواقي
وصورتك خلف البال مسمَّره
قولك الليـل بيحكـي أخبارنا
وبيعرف وين خفينا أسرارنا
قــال صغار وكبيرة أفكارنا
وحكاية غرام كان مشوارنا
شو حلوي بيناتنا هاك الإيام
خافيي بقلوبنا شوية زعبرَه
