خايف/ شعر عادل بدّور/ لبنان

خايف تا حتى يضيع مِنّا الاٰنتما
وسمسارنا بلّش يسمسر عا الحما
والشعب صفّى متل نعجات القطيع
ونايب قطيعو عم بيسوقو بالوما
تمرّد ياحرف الشعر بلسان الجميع
رفوض التعصّب والتزلّم والعمى
لا تقبل الشعب الاٰبي حقو يضيع
وحكامنا يتحرّكو متل الدُمى
ارفض سياسي صفصف حروف البديع
وتنكّر لاٰرزات عم تشرب دما
فكّر غرورو بيرفعو لمركز رفيع
لكن اٰخونا بغير وهمو ما سَمَا
نحنا شعب ما منقبل الخيط الرفيع
يمرجح بلاد العزّ عا جبالا ارتمى
وكل ما بفيّ الارز عم يخلق رضيع
بيخلق بطولة قادرة تهزّ الدني
وعالظالمين تْطَرْبق حدود السما