آفاق حرة للثقافة صحيفة ثقافية اجتماعية الكترونية
خايف عليك يابنت عمري
من الشوارع ومن الدروب
على كل ناصيه واقف بلطجي
وف كل حاره فخ ومنصوب
عيل مطلعش من البيضه
وعامل نفسه عبده موته
ماشي عريان ومعاه سنجه
وف ايده التانيه مقروطه
وست واقفه متلحفه بشال
وعامله نفسها بنت حلال
تشك الأبره وتخدر البنات
ومرحمتش حتى العيال
وبتوع التكاتك والمكروباص
خناق وضرب وقطع الراس
مش قادره عليهم الحكومه
وياريت تضربهم بالرصاص
خايف عليك يابنت عمري
اصل خلاص مفيش امان
ادبحت البنات ف الجامعه
بسكينه عاشق ولهان
اصل خلاص…. ضاع الأمان
