آفاق حرة للثقافة صحيفة ثقافية اجتماعية الكترونية
ردتك ابره……
وبشريانك تخيط جروحي وتواسيني
ردتك مرهم……
تضحي رويحتك لي وتداويني
ردتك غيم…..
من غير رعيد تطفي نار حشاي تجويني
ردتك خيمه…..
حر تموز بظلها تخليني
ردتك غطه……
بجفون عيونك تغطيني
ردتك حزام ظهر…
وكت الضيج انخاك تجيني
ردتك شمعه…..
ظلمة الليالي تحرك رويحتك وتضويلي
تاااااااااالي …….
طلعت مكص وجروح فوك جروح تنطيني
سجين بالحشا تمرعد شرايني
تيزاب صرت على جروحي ياذيني
دمع جمر جهنم
على خدودي يجويني
غشيم ماحسبت….
هيج يصير توالي سنيني
تالي طلعت…….
بد ذات خنت بالشين تجازيني
روح مودع الله….
وحدي وي جروحي سهران الليل خليني
