آفاق حرة للثقافة صحيفة ثقافية اجتماعية الكترونية
طعم الحب ما يتغيرش
إن كان حبك لسة صحيح
دقة قلبك ما بترحمش
يصبح منها شوقنا جريح
يا للى هواك اتغير طعمه
جاوب روحى ابقى صريح
ليه بغرامك قلبك قاسى
كنت زمان ويايا فصيح
لكن الوقتى عامل ناسى
حتى حنانك ليا شحيح
ليه يا حبيبى تشرب كاسى
و ترمى جُليبى بلا تصريح
جِـه على بالك ان زمانى
لو تاه منك بِـت جريح
يا للى هواك اتغير طعمه
إمته يّرَجع طَعمُه الريح
