عشق الورق / شعر الشاعرة المصرية جهاد نوار

جانى يوم و قال بحبك
يا للى جوة القلب إسمك
نن عينى عاشقة رسمك
نبضى ليكى بس دق
شوقى فيكى إنهمك
حتى حرفى إنسرق
دوبت فيكى و إتحرق
شمع عمرى يا ملك
لما قلبى ليكى دق
—
خدت إيده و إنشبك
نبض قلبى فيه غرق
لما شوقى ليه شرق
رق قلبى ليه و دق
دقة دقة بكل صدق
كان غرام جميل بحق
و الأكادة إنه عشق
—
جه غراب البين و زق
باب هوانا برجله دق
قال كفاية العشق فسق
ليا بس ده إتخلق
يا يمامة متصدقيش
منه تانى عشق الورق
أحسن قليبك يتحرق