ليك نسجد …بعد الرب

هدية للأمهات … ليلة الجمعة.

*** **

عَلَّمْتِينِي ليك نَعْبدْ
نَرْكَعْ…
نَسْجَدْ…
گْبَلْ گاع ما نَعْرَف حَدْ
وَلَّفْتينِي ظَلَّكْ
وْخَرَّجْتِيني للَشَّمْس
مََلِّي ابْكِيتْ …
مَنْ حَر ْالْوَلْفْ
قَطَّرْتي لَمْحَنَّة
ف ْجُوفِي لْبَى…
بَاشْ انْرُد ْلْسَانِي لْفُمِّي
نَتْهَدَّنْ… وْنهْدَا…
وْما كَنتْشْ …،ما كَنْتْشْ
دِيكْ السَّاعَة نَعْرَفْ
بَالِّي كَتْرَضْعِينِي…
الْقَطْرَات ْالاُّوْلَة فَالرّْضَى؟!
سامْحيني …سَامحيني
يْلاَ بَزُّولْةٓ الْعَطٓفَة…
اتْخَبَّلْ فَعْروقْهَا لَكْلامٓ
وْباَشٓ انْفُكْ لُخْبَالْ؟!
مَا عَقْتْ؟!
حَتَى دَازْ آلُمِّيمَة…
شْحَااااال ْمَن ْعاَاااامْ؟!!