آفاق حرة للثقافة صحيفة ثقافية اجتماعية الكترونية
قرب لينا يا شهر الرحمة….قرب لينا يا ضيف العام
قدومك لينا عافية ونعمة…..يماتك ما هم ك ساير ليام .
الناس فيك تتعاضد لحمة….ماليين الصفوف صلاة وقيام .
بالصبر مكبرة وحدة الامة….في بيوت الرحمان جوامع الكلام.
بونادم القليل ما يحس بالظلمة…بين خاوتو فرحان مزعم تزعام .
وين ماقصد مكان يعمر البرمة……القوت ديالو مكتبلو ف زمام
يا سامع القول اسمع الكلمة….في هاذ اليامات ما يكون لك تخمام
يمات عواشير اجيك اللقمة….رزقك رزق الطير في السما والحمام.
رمضان راه يمات غالية فالقيمة….الحسنة فيه غالية في لسوام .
البداية غفران وفي وسطو رحمة….العتق من النار راه مسك الختام.
فيه يوم وليلة نايرة معلومة….تستنى فيها اممم او اقوام .
يا سعد من راها ولقاتو ثمة….يدي واش ادى ملبحر العوام.
يا وكال الرمضان عليك الحيا والحشمة…اتقي مولاك ماتزيد القدام .
الصيام تزكية القدر والهمة…ربي يجازي بيه كل تاقي قوام .
كلشي مسخر ليك فدنيا وثمة…الصوم لمولاك قدمو تقدام
عربون محبة عبادة فالقمة….رضاية المولى من اول المهام.
شوف فرحة العيد بعد فرج الازمة….الناس متحابة صبي او غلام
الفرحة فرحتين الناس ملتمة…بيها يكمل الدين بصلة لرحام.
