حنيت/ بقلم:أنور حنينة ( اليمن )

حنيت أنا ماحـن جرمل من خشومه
من داخل القلب الوجيـع
يا من طلب علم الخبـر بعد السلومه
ولت على الحصن المنيع
شمس الظهيره والشفق غيب علومه
يوم الشتاء شل الربيـــع
أقبل علينا الليــل في صورة جهومه
من منبت الشوك الضريع
والصُبح قَصَّر والضواري في تخومه
ما خلت الشــارد يضيــع
واحنا وسط وديان قادات الخصومه
بين الوضـاعه والوضيـع
نغرس بصل ياصاحبي من بعد ثومه
والهـج في ظهـر التبيــع
نمسي ونصبح كل واحـد في همومه
يشرب من السُـم النقيــع
ومن رفع لجل الشرف رايـه هجومه
أمسى من العـزه صريــع
حلين في وكـر البلــق حـديه وبـومه
والنســر متحسـر وجيــع
ومن لبس ثوب العــزاء بعد العُـزومه
غـداه في القصر الوسيـع
واللي بكى الحُجاج في وادي تنـومه
قــد اشتـرى نفس المبيـع
قصــه لها قـد حـدد الكـاتب نجــومه
والمُخــرج أعلـن للمـذيـع
من مسرح الأحداث في اول قـدومه
خصص مراعـي للقـطيـع
والكل بالفوضى سعـى فوق الغنـومه
والحرب محصول الجميع
ميراثها الفين زعيـــم وميـة حكـومه
ومليــون متهبـش ضليــع
والخال نفس الخال واولاد العمــومه
نفس الصنــاعة والصنيـع