يا هية

وش ينفع… ???
إذا هاجر حنين الشوق ولا عوّد
ومراكب تنتظر مينا
وعلى المينا عيون اتقول
ترى طوّل
وهدايا شنطة مسافر
غرق في يمك… وهو عابر
أخذ موجك هدايا الشوق
أخذها ولا حوّل

وش ينفع… ???
تحدثني عيونك في حيره
عن الخذلان
وفي عيونك الف قصه
تقول الوقت مو أنت
هو الوقت أبو الخذلان

هذا الوقت يا محمد مو وقتي
احس الزمن يعنادني
يعاندني أنا وحدي
كأني خارج الأزمان
وأردد في مثل قولك
وش ينفع اقول أني بعد عايش
أو حتى بقايا انسان
 شعر : محمد  بو عوني الطورة