يا ضوء اتراخي/ بقلم:

يا ضوء اتراخي وصابو فتور
لي وين ماتدور
الدنيا وراك طريق مهجور
سككك ملكك
حرفة انسان في زمن مغدور
جرح الابيات في شعر الروح
لما تغني الوجع الشد مسافة الشوق
وانا وين ماالقاك يتهب نسيم من جوايا
واكون مشدوه بين الكلمات وبين معنايا
يا ضوء لا تلين دي الدنيا كمين والبال منشور
بي حبر مفضوح يحكي الاحوال في بلدا طال فيها ازاكا
وفيها ازايا
ياراحة البال طالت سككك
الا الاحلام جابت اسمك في صدر سحابة تدفق شوق
ولو ليها بروق تبقي شقاك وتبقي شقايا