آفاق حرة للثقافة صحيفة ثقافية اجتماعية الكترونية
يا حبيبي رد
انا من يومين عماله ببعتلك ورود وكلام وفل
وفرشتلك إحساسي على بابك عشان
تحضني اول لما احساسك يطل
يا حبيبي رد
انا عشقي ليك ثابت قوي
مع ان كل الدنيا بتحاول ترش عليه كحول
——-
عندي جناحين وبطير
وعيوني دول عصافير
وازاي يا اول حبيب
قدرت تبقى الاخير
——-
“انا احب اقول الشعر في” حبيبي
ساكن مدينة قريبة وبعيدة
هو الوحيد اللي اكتبله ديوان
مع اني كانت نيتي قصيدة
——-
حبيبي لما عنيك تهل
باخدك واسافر في الخيال
مش في المجال الجوي لكن
قلبي اخترع لعنيك مجال
