تَركتْ الزمان / شعر : الشاعر اللبناني الشاعر جو أبي الحسِن

وحيـاة قلبــك الدافـي وعيـون فارقهـا النـوى
قلبك بعدو مش وافي ولا بعلمي قلبي ارتوى
نحلف عا زنود السنديان ونحفر عا وراق الزمان
ما حدا بيترك التاني لــو بشي شَردة انغـوى

يا تاركي شَعرِكْ الوافي عـا كتاف لوّحها الهـوا
انطبَع عـا داير شفافـي مـن رحيق تِمِّـك الـدَّوا
مطرح مـا قلبِكْ ذاب وعـا إيدَيِّ بالعري غـاب
رح أنطر عا مفرق الغياب ما حدا بيعرف يمكن
شي يوم نرجع ويردنا الحنين مطرح ما كنَّا سوا