آفاق حرة للثقافة صحيفة ثقافية اجتماعية الكترونية
يقولوا علينا ما يقولوا
من امتى كلامهم بيوجعنا
او حتى عدم سلامهم يزعجنا
ما دمنا واثقين في انفسنا
و بنقول الحق
حتى لو علقونا من رقابنا
ح تفرق ايه معانا
ان عشنا او متنا
كدا او كدا
ح نعيش
و نموت
عشانها
لاننا مش شايفنها
بس وطن
دي أم
بنت و ولد
دي حضن
من غير ما تحضنا
دي فرحة عيد
بتفرحنا
حتى من غير لبس جديد
و لا عيديه
او كعك و بسكويت
او حتى كمان حتة لحمة
هي بس تفرح
يبقى دا عيدنا و عيديتنا
و آه لو بس تضحك
نبقى اكلنا و شبعنا
احنا كدا و عاجبنا
لا نحب نكون من دول
و لا حتى تبع دول
نحب نكون ولادها
بحلوها و مرها
حتى لو كل يوم
اديتنا ميت علقه
ح نفضل مدمنين لحبها
و قلوبنا ليها عاشقه
عن محمد صوالحة
