آفاق حرة للثقافة صحيفة ثقافية اجتماعية الكترونية
باحب الصبح لما يبات
يحضر لي النسيم قهوة
و”يتسطح” على “الشبابيك”
ويرمي الشمس ف بلادي
ده شيء عادي
وباعشق ف البنات بنتي
وعيال كبروا
وبقوا “دادي”
وده برضه كلام عادي
وباعشق ف الأغاني اتنين
“بانادي عليك”
و “انا وشادي”
مممم…..عادي
وباعشق في الحيطان بيتنا
وطلة امي م البراوايز
وشكل التبغ لما يطير
ويتشكل يفوق”بابا”
ويحدف لي الصباح بلالين
و”كحكاية”
و يوم نادي
ده كان لما الصباح “لمة”
وقبل اما
يكون “عادي”.
