آفاق حرة للثقافة صحيفة ثقافية اجتماعية الكترونية
ياحبيبتى باعتذرلك
لو فى يوم يمكن جرحتك
ولا ساء فى شخصى ظنك
انت فاكرانى هجرتك
ولا لحظة انسى حبك
ولا يوم مابقولش اسمك
وف صلاتى اقرا وردك
اذكره من نور ملامحك
دى العبادة هى طهرك
والسعادة هى حبك
حتى وانت بعيدة عنى
روحى حاساها بقربك
والعيون متكحلة من حلو
كسمك
مش هاقول..
طب ماانت عارفة
والقلوب لحنينها كاشفة
ولا عمرى قلت اسف
ولا عمرك قلتى اسفة
بس يومها شفت عندك
نظرة الشك بقلبك
جاية تعتب من سكات
ع الحنين والذكريات
جاية تحكى بهمهمات
انى ناسى عمر فات
انت فاكرة حبى مات
حبى لك بيتولد كل الساعات
فى كل ليلة متكحلة بعتم
البعاد
ولا فرشة اتشوكت صبر وسهاد
كنت فيها حلم حلو باللقا
نور وطالل يفرش الدنيا هنا
يسعد القلب اللى عايش
بالمنى
قلب اخضر اتظلم منى انا
بس احلى حاجة فيه انك هنا
ساكنة فيه متربعة من ميت
سنه
!! —- طارق العيسوى عضو الواحة الدولية للفنون و الاداب
