غايتي/بقلم:محبوبة خمّاسي (المنستير – تونس الخضراء)

لو كان بيدي العمر نبغي

نشوفك

نخلّط حروفي في الهوى

بحروفك

نخليك ليّ مرايا

ونوصّفك بالقول للغنّايا

أنت الوصول، أنت منيتي والغايه

وأنت ظروفي الهايمه بظروفك

يا ريت تحس بليعتي وشقايا

وقدّاش نتعب في بحور طيوفك…

قدّاش أنا منّي

وقدّاش نصبر ع الدّرك جنّني

ساعات نقلق ونشتكي لفنّي

وساعات يضياقو خلوقي دونك

نرجّع غلّي ع الشّعر نبدى نغنّي

لعلّ نبرّد نار لاهبه مضنونك…