آفاق حرة للثقافة صحيفة ثقافية اجتماعية الكترونية
وبعد سنين من العِشره
بقيت ذكرى … وطيف عابر
وقلبْ من الحنين شاغر
بقيت اخر
ومش أول
بقيت شحات َوبتسول
في شارع حلمنا… ضحكة
مفيش سكة
توديني لبر أمان
ولا بنطق باي كلام
ولا الأيام
بقت بتداوي مهما اغيب
ولا لاقي لجراحي طبيب
غريب
ماشي في شارع ضلمه
متسند على عكاز
سماه غايمة
وارضه قزاز
ينادي والصدي بيرد
مفيش غيرك هنا
ع الأرض
مفيش غيرك هنا
ولا حد
