آفاق حرة للثقافة صحيفة ثقافية اجتماعية الكترونية
—
و مسموحلك
تخلينى
أعيش العمر
و سنينى
ونا عاشقة لنور ضيك
و تحيينى على
جبينى
جدايل من حروف
إسمك
و نبضة قلبى تندهلك
و مسموحلك
تنادينى ..تهادينى
بنبضة قلب تشتاقلك
و تروينى بشهد الحب
من عشقك..
و تغرينى ببسمة
و خال على خدك..
و كام موال تغنيلى
تهدهدنى و تسقينى
و أغرق بك..
فى بحر اللهفة تلقانى
كموجة تروح تجدفلك
و غير مسموح
يا نور
عينى تعادينى و تحكينى
قصيدة تايهة فى ملامحك
دنا سطرك ونا حرفك
و لا همسى ف يوم
جرحك
بلاش العند يسرح بك
و نسينى سنين هجرك
و لوم عاذل طلب ودك
و توهنى معاك أيام
بلاها غربة الأحلام
فخلينا مع بكرة
نكون فكرة بدون
أوهام
نعيش بالحب يجمعنا
و ننسى كل أوجاعنا
و بالفرحة تودعنا
ليالى التوهة و الحرمان
و مش مسموح
