يا بلدنا / شعر الشاعرة المصرية الدكتوةرة منال الشربيني

يا بلدنا
كل ما باصبح عليكي
بالقى ابويا بيشاور لي
فاجري فورا
واستخبى ف قلب قلبه
رغم ان ابويا ميت
والجيران عزوني فيه
مرة قالوا راح مجاشي
ومرة قالوا
طق من كتر الآهات
خانه كل طريق وتاهت
جوة ف عيونه الحاجات
هم شايفين انه ميت
لما ” قام”
ذاعوا اسمه ف “الشوارع”
وقالوا عم “محي” مات
قولوا مات
قولوا مات
بس هو ف روحي زيك
لسه راجع
لسه جاي
سامعة حسه؟
شامة ريحة القهوة نعنع
والريحانة ف باب جنينته
بتضم ف البيت السكات
ودي هدومه
ولسه ريحته ف العياط
حتى لسه أوضته صاحية
نضاراته وكل كتبه
وآخر طفية للسجاير
ياه يابويا
دانت عايش في موت
يعني زيك
لسه حي