يكون بعلمك/ بقلمنرجس عمران / سورية  

يكون بعلمك
….. عالبعد مالي حيل
شوية هجر
……….منك بتحرقني
شوقي إلك
…………هد الليل
وبالنهار صورك
……….حرامي بتسرقني
اصحى تفكر
………… إني دونك عليل
أنا ميت
……وفيك الموت مريحني
بس إياك
……… علّي تكون بخيل
القرب كرم
………حضنو كتير بيعجبني
يا شوق
…………. لا تكيل بالويل
خلي همسو
……. بساط ريح يحملني
عا دقة مهباجو
……………. ورقصة هيل
نبضات قلبي تصير
……. مهندس تهندسني
لك والله
…….. نسيانك مستحيل
اسأل الوفا
…….شو بيحكيلك عني
وحياة ربي
…… عنك ما في بديل
بعدك ضحكاتي
…………..هربت مني
مهما إلك
………. صارالدرب طويل
مصيرو معك
…….يضحك ويلالي سني