آفاق حرة للثقافة صحيفة ثقافية اجتماعية الكترونية
انت يافاتنـي احــــلا واغــــلا واجمــل
انتـه السـر ذي عــن كِـل حاسـد كتمته
انته الطيب وانت الورد في كل مشتل
وانت عهد الهوا ذي في قُليبي حفضته
يامغير القمر يازين ياحالي الدل
انته الذنب ذي بالعمر مايوم تبته
انت من قد غزا قلبي بجيشه واحتـل
وانت بيت القصيد الجزل ذي قد سكنتـه
راضي اقضي حياتي وسط سجنك مُكبل
فدوتك روح عاشق مــن جمـالك اسرتــه
ماعليــــا اذا عنتــــــر بــ عبلـه تغـــــزل
دام تعــــرف بأني بس حبيتــگ انتــــه
انت اول غرامي انت : ماشي لي اول
وانت مسگ الهـوا ذي في كتابي ختمتـه
انت سلطـــان روحي والمليـگ المبجل
والامير الذي بإحسـاس روحي خدمته
مايهمك اذا كليــن غنـّـــا وزومل
دام وانت الذي في جل شعري قصدته
لجـلك انتــه انا بالشعـر عديـت الاخطـل
وامرؤ القيس عديتــة عشانك وطفتــــه
اخـر القــول يامن منّــك البـــدر يخجــل
يرحمك خالقي لـو عاشقـك قـد رحمتـــه
مرحبا بـك وســط قلبـي وحيـّـا ومسهـل
ضيـف عمـري وصـل لطالمــــا انتضرتـــه
باب قلبـي لك اتهيــأ فـ شـــرف وادخـــل
كان مؤصـد لغيــرك والنبـــي مافتحتــــه
ادخل ادخـل وسط قلبـي وسكّــر وقفّــل
قبـل ماعاذلــي يعـــرف بأنـك دخلتــــــه
