آفاق حرة للثقافة صحيفة ثقافية اجتماعية الكترونية
يقول اللي بكت عينه دموع ودم على احبابه
وجفت في الهوى كبده حبيبك قد تعب سنّاب
مراعي له سنة واكثر وريح الشوق غلابه
وما حد رد له نابي وهو واقف أمام الباب
نسى كل البشر لاجلك نسى اهله وأصحابه
وما في حد في قلبه سواك يا محرق الأعصاب
لو انك بس تكتب له وتعرف كل أسبابه
وايش اللي حصل له حين فارقته بدون اسباب
عزف شعر الهوى بالحان بين الناس جذابة
وخط أبيات غناها على عزف الوتر زرياب
وهو من كان لك صادق وكل الناس كذابة
عشان تدري إذا قارنت من صادق ومن كذاب
تضيق انفاسه الحرَّى إذا جافيت محرابه
وأنت اللي من القسوة نسيت ان الهوى غلاب
دواه قبلة ولم اكتاف وضمة تفقد اعصابه
كذب من قال له داوي جروح القلب بالأعشاب
جروح القلب في لقيا الأحبة يوم يحظى به
يطيب الجرح يتعافى ويشعر ان قلبه طاب
أمانة ؟! بعد تسع سنين تقول ايش الذي انتابه
وأنت اللي تركته بعدما قلبه بحبك ذاب
أقلك من تلاميذه ومن في الناس طلابه؟
تعلم قيس من حُبه وهو واحد من الطلاب
