آفاق حرة للثقافة صحيفة ثقافية اجتماعية الكترونية
البنادق
طلْقها لو شاف جمالك
راح يكحّل بالبارود رمشك و يركع لِك زِنادها
و الفنادق ليلها حالك
و أنتِ حالك فى ارتحالك نار بتاكل مِنْ وقدها
قولى للعالم و غنِّى
ياللى سكران ياللى غافل
فرض لا تكفيه نوافل
ما تجيبوش اسمى ف محافل
و اتركوا الأرض لولادها
آدى عهد الله تميمي
فى السجون جنّه و نعيمى
يا عقول فلتستقيمى
و القلوب حسب اعتقادها
و اللى قال بعنا القضيّه
قول لُه: يا أهبل -بُصّ شوف !-
و ابقى حُطّ ف وِشُّه منخُل
لو عرف معنى الكسوف
