آفاق حرة للثقافة صحيفة ثقافية اجتماعية الكترونية
مهما تقنعني أنك
ما عاد بعد اليوم تشتاقها
ولا عاد بعد صدها ونكرانها تصفالها
يلعن أبو كذبك يا قلبي
كم مره وعدتني و رجعت تعنالها
وكم مره صدقت كذبك و عدت
تشتكيلي من وحشة بعدها وغيابها
خلك من كذبة التوبه و أنك ما تسعالها
و بلاها مكابره و أنصحك .. اسعالها
وخلك من نق الكرامه وما ينتابها
الحب ما يجي صوب الكرامه ويدنالها
العمر واحد يا صاحبي وعينك
غيرها شوفها ما يهنالها .!!!!
أنا معك ..
مرات تحس أنك من فرط الشوق
تبي تقطع مسافات البعاد و تغتالها
وأنا معك ..
مرات تحس أن الليل من دونها
مثل مركب يتيم عوّد ولا جابها
وأنا معك ..
أدري أنك صقرٍ طليق الجناح
وقع في مكرها وفي خيوط أشباكها
وأعرف أنك من غيرها
مثل السمك لاغادرت عن مائها
تختنق مع حالها من حالها
يلعن أبو كذبك يا قلبي
مدري كيف و شلون تقنعني
وأنا عارف أنك تشكر غيم تشرين
اللي على يبابك جابها
وشلون أصدق وأنا عارف
أنها روحك وانها نبض الوريد وشريانها
يا قلب ..
بعد اليوم أحذر لا تجيني وتغتابها
و خلك من نق الكرامه وما ينتابها
عمر الحب ما يجي صوب الكرامه
و لا في يوم يدنالها
