الفجر يطلع عليك

تجري علي عيشك

يامايا سارح بعيد

ما تشق ياولدي ريقك

شايل وراك غلجان

ترمح علي طريقك

اسمر ياود النيل

اسمر كما نيلك

شمسك يواد في عنيك

طالعة تناديلك

شغال علي الطرقات

رزقك وهيجيلك

تشقي مع اصحابك

عرقك ملا جيبينك

عدت عليك وزرات

ولا حد قال مالك

ولا مرة جالك وزير

ولا حد شال طينك

ارمح كمان ياوليدي

اجلح كتر خيرك

يدك مالاهاالشقي

وشقاك ولا عينك

غلبان ياود البلد

شايل هموم ناسك

دي مصر عاشقة يديك

حاضنة خطي ترابك

عاشقة ياواد خطاويك

والرملة في مداسك

مانتا يواد ابنها

وخاطرها فوق راسك

قولتلها ياما تمام

العيشة مرضية

اللقمة ياما حلال

وقلوبنا مهدية

حامد ياواد ربك

وتقول دي مقضية

شايل وراك غلجك

وشكارة وطورية

شايفك ياواد في الصعيد

شقيان في ركن بعيد

لابس جلابية

سموك ياباي اجري

بين الفواعلية

لافف شالك ياباي

راجع في عصرية

روح وقول ياماي

كسراية من غمسي

قوتك ياود البلد

عيشك ماكان شمسي