اختال القمر / شعر : الشاعر اللبناني الشاعر جو أبي الحِسِن

اِختال القمر عنَّا وغاب
وقال هالبَدر يا نيَّالو
اِتحَمَّل من جَمالِك عَذاب
وصافِن بهالليل لَحالو
ومَشلَح النّجوم مِزراب
طَرَح بِعيــدِكْ اِنفِعالــو
يزَنِّر مَجالِــد السّحَــاب
ويرمي قلوب مِن خيالو
قال “مارو” زينِة الأعتاب
وبيِّك فيكِ شايف حالـو
حَنّ الوَريد والشَّعر شاب
تـا شاف هالصَّبية قبالـو
عيدِك خَطَف مِنَّا الألباب
وجَدَّد الأمَـل رِسمالـــو
اِنشالله عــا طول العُمر
يرافِقك مَسار النَّجـاح
وجمالِك بيطرح حالـو