عارفه / بقلم الشاعر المصري أيمن إسماعيل

عارفه
لما الكلام
مابين شفا يفنا يتقسم
والحلم الواصل
قلبي بقلبك
يترسم
الروح تروح
تبوس خدك
ترجع رسمه ملامحك
تنطبع فوق ملامحي
فتدوب مابينا الفواصل
تختلط كل المشاعر
نتوحد
مين أنا.. فيكى
إنتِ مين .. فيا
بقينا في لحظه واحد
…………….
ما نيش شاعر
ولا دارى باى كلام
مفيش غيرك بيسكنى
وأكون فى اللحظة
أنا الجني
وبسكن كل حواريكى
وبتمنى
أحقق كل أحلامك
وإذا حلمك
يكون الوصل مابينا
أنا أوصلك
ياحلم وعايشه وجداني
سنين عمري
أنا من كثر احلامى
بخاف م النوم
ليبعدنى
وماشوفكيش