آفاق حرة للثقافة صحيفة ثقافية اجتماعية الكترونية
ثور طبعه شـعيـف يالـطيف مـاخـيبـه
كـم شـطـح كم نـطـح مـالـقـوه يــنـكبه
والـثــويـر عـنـدنـا مـاحـدا يـــحــــلـبـه
العــزيــق والـعـُكُـــشْ الــذي جــانـــبـه
والـحـمـار الــذي مـا عـــرف واجـــبـــه
والــثـويـر بيـنهـم بــوقـــرون مــزأبـــه
نــفــذوا لـلــــعُكش الــذي يــطـلـــبـه
قــــسـمـوا حــولـنـا مــثـلـمـا يــعـجــبه
الـمـدج والـحــوي للـعــزيـق مـحـسبــه
يـنـتبـه للــديـــوك والسـمـيـن ينـطــبـه
والــذره والــغـرب للـثـويــر مــــكـسـبه
والـقــطـيـع والـعـلـف الـذي شـعــجـبـه
والــذي بـالـجـيـــوب والـذي نــهـكـبـه
كـمـلوا يـلـهـطــوا كــلـمــا نــصــربــــه
مابـقـي للحـمار غــيـر حــمـول راكـبـه
حــصـتــه بالـوطـاف والشـعـيـر راتـبـه
آح يـابـاطـلـــي ذا الـــزمـن مـاتــعـــبـه
كــيـف عـمــري زلـج مــوالــذي شـيـبـه
صوت قــلـبي يـئـن جـارحــه مـشـقـبـه
كـم شـقـي مـالـقـي كـاس مـا يــشــربـه
