آفاق حرة للثقافة صحيفة ثقافية اجتماعية الكترونية
قبل اللقا كانت إيدينا
متشوقة
للمسة حنان قبلة جنان
و الروح معانا
متمعشقة
كنا غرام كله هيام
نظرة عنينا
متذوقة
بشوك البعاد و ليل
السهاد
و النبضة فينا
مدقدقة
جانى و معاه شايل
هواه
على كتفه فرحة
متفرقة
ضحكة يمين
ضحكة شمال
حوالينا دنيا
مشرقة
و ف إيده نامت
إيدى اليمين
و كانت الشمال
متعلقة
حضن السلام دوب
كلام
و حكينا بس
بزقزقة
زى الكمان بصوت
حنان
غنوتنا حلوة
مورقة
خدنى وراه على
حصان أزرق عيونه
مطوقة
بلجام حبيبى ال معاه
دنيتنا حلوة
مروقة
جرى بينا جرى و طوينا
طى
طول الطريق
ما مصدقة
إنى معاه لمسة حياه
و الدنيا لينا
مشقشقة
و من بعيد الدنيا
عيد
و الكل طاير
باللقا
بعد الغياب و سنين
عذاب
محلاها ضمة
متشوقة
