آفاق حرة للثقافة صحيفة ثقافية اجتماعية الكترونية
دابت مخدات رجليها وايديها
نازله طالعة فوق
سّلم العمارات
تفّلت من اي فتحة باب
وتِسرقْ اكلها بحركة بهلوان
تطلع ورا البهّوات
وتجري من العيال احّيان
إتعلقت فّيا
دفّيتها ف دراعي
لبسّتها حرير ف حرير
وفيونكات في شعرها كتير
قُط بيتنا ابن الاكابر
اداهّا نظرة شوق وكَابر
اتسهوكت له بنص عين
اتمنّعت بين البينين..
قدم لها كل منابهٌ
ولاكنش فاهم ايه نابُه
تتمرمغ ف تراب رجليه
لحدما ضحكت عليه
من كُتر ما بتتمّسح
راح معاها يتفسّح
رجعوا ومعاهم قطط كتير
طردته معاها على الشارع
و زادوا أولاد الشوارع!
