آفاق حرة للثقافة صحيفة ثقافية اجتماعية الكترونية
لما شطبوك م القوائم
ومسحوا إسمك م الكلام
قلت جهلة و”شلة” لازم
مالهمش ف ” الحضرة” مقام
مش مهم تكون بتفهم
مش مهم تكون “تمام”
المهم يكون معاك
الف سقفة ورأي عام
مش مهم يكون بيفهم
“هو راخر”
او بيعد لحد كام
المهم يكون بيرقص
ع الهيافة و
و ع اللي ناقص م الكلام
اوعى تزعل لما يمشوا ويسيبوك
ف “السعادي” بس نام
وانت عارف ان إسمك
اللي متشال من القوائم
غاب لأنه “باش إمام”
