آفاق حرة للثقافة صحيفة ثقافية اجتماعية الكترونية
كان حلمي نختير سوى
تصير عكازي
وصير إلك الدوا
نتغندر عادرب المرض
ونتقاسم الحلوة والمرة
قلك يا محلى هالصلعة
وتقلي دخيل شيبتك
شو بحبا انا
على صوت فيروز
صبحية نوعى
وتعود تقول
صوتك منها أحلى
وقبل ما أخلص التنهيد
تحاكيني بالصريح وبالومى
زفراتك ياعمري سهام
و بصدري….. خلق ترسى
أمانتِك …
لا تنزلي دمعة
أشري شوبدك ديبك أنا
فجأة صرت يا حسرة
صرخة فتتها وجع الصدى
بين الأمس وبين بكرى
اليوم عم يبنيك ذكرى
لا ترهقو بطول النطرة
خلي لبناتو من حلاوة اللقى
منين جيب لحلمي الهوى ؟؟
أشهق وحس الكون كلو
سكن صدري من جُوّى
بحياة ربك أسرع تعى
والله يا جماعة
حلمي نختير سوى
