آفاق حرة للثقافة صحيفة ثقافية اجتماعية الكترونية
عارفه
لما الكلام
مابين شفايفنا يتقسم
والحلم
الواصل قلبى بقلبك يترسم
الروح تروح تبوس خدك
ترجع رسمه ملامحك
تنطبع فوق ملامحى
مايبقاش بينا فاصل
نتوحد
تختلط كل المشاعر
مين انا ،
مين انت ٍ
بقينا فى لحظه واحد
مانيش
شاعر
ولا دارى باى كلام
ولاشايف
غيرك بيسكنى
اكون فى لحظه
انا الجنى
ساكن حواريكى
ومستنى
احقق كل احلامك
ومتمنى
واذا حلمك
يكون الوصل مابينا
انا اوصلك
ياحلم عايش فى وجدانى
سنين عمرى
انا من كتر احلامى
بخاف تبعدى عنى
