مافيش غربه | بقلم الأديبة الشاعرة: ياسمين عبود

ما بينا بعاد
وايه ياعني
مابينا بلاد
وايه ياعني
انا شيفك انا حسك
ومش عارف حقيقي بجد
في شئ فيكِ مطمني
وبرغم الفراق انا لمسك
واقرب م الوريد مني
ومهما اسمع كلام من حد
كلمهم مش هيهزمني
انا جايلك
انا سامعك
يانبض ونقطه ف دمي
مافيش بينا مسافه وبعد
ولا شئ يبعدك عني
انا مسافر صحيح فعلا
لكن وجهتي عنيكِ
ولابعرف اتوه منهم
عشان دايما بتوه فيكِ
وف اخر بلاد الكون
مافيش غربه عشان جيتِ
جيتِ روح تونيسني
قلب يعيش حواديتي
مافيش ف البعد غربه عشان
انا ساكنك كما بيتي
مافيش مسافات بتبعدنا
وانا مسافر
ف قلبي انتِ استخبيتِ