الفة العشاق/ بقلم : ياسر زمراوي ( السودان )

صباحك الفة العشاق
وللشوق البجيك رقراق
مع الشمس البتجهر حب وحنية
كأنها ام تحس الهم
وتلملم في رضيع غالي
وتديهو الحنين دفاق
صباحك نغمة الفنان
وشوق الشوق لي اغنية
يرتاح ليها زول حزنان
ويبقى معاها في عالم
زهور بتنور البستان
وابسامك ونسامك وايامك
واحلامك وكل البلقا في لقياك
مع الوحشة ودمع حراق
نعاين للشوارع كيف بتتملا وبتتجلا
بي هم وزحام هناك الفتشوا اللقمة
وبي جاي في صلة ارحام
وغلبانين بضوقوا سنين حزن سواق
يسوقم للهموم ديما وبس بي ضحكة من عرفة
بس بي نسمة من رحمن بس بي كلمة من اعماق
بس بي فكرة من صاحب بس بي وصفة بي حرفة
يفوت الهم ويجري الدم في عروق الغلابة قسم ويتنسم ناسك المرقة
وأغنيك واغنيهم اناديكي واناديهم بصوت مسموع وبال مشتاق
حبيبة القلب في الشتا والخريف دفية
صراحة زول مع اصحابو
صديق يلقاك بترحابو
وقول واضح يجيك من القلب ترياق